അമ്മ ഒരു ഓർമ്മ 
(To my MOM in heaven)

ഉരുകുമൊരു മെഴുകുതിരിയായി
എനിക്കായി പൊൻ  പ്രഭയേകി
ജീവിത സാഗരത്തിലാടി ഉലഞ്ഞു
കൈ തന്നു സ്വപ്‌നങ്ങളേകി
മരിക്കാത്ത ഓർമ്മകൾ നൽകി

തിരികെ വരാത്ത ഇ യാത്ര എന്തിനായ് 
തിരിഞ്ഞു നോക്കാതെ പോയതെവിടെ 
മനസ്സിൽ ഒരുപിടി ഓർമ്മകൾ നല്കി 
നേർത്ത ശ്വസം പതിയെ നിലച്ചു 
താരാട്ടിൻ തേങ്ങൽ ബാക്കിയായി

നീറുന്നെന്‍ മനസ്സിലെ വേദനകള്‍

വര്‍ണങ്ങളാക്കി ഞാന്‍ ചിത്രമേകുന്നു
കാലം മറക്കാത്ത കോലങ്ങള്‍ ആടുന്നു
എന്‍ ഹൃത്തടം ഉത്സവ വേദിയാക്കി
അഗ്നി തൻ  ചിറകുകളേന്തി

എന്റെ അമ്മ എൻ  ജീവന്റെ പുണ്യം 
മിന്നി തിളങ്ങിയ ഒരു നക്ഷത്രം മാത്രമായ് 
ശോകാർദ്രമാം  ഇന്നെന്റെ  ജീവിതം 
തമസ്സിൽ എരിഞ്ഞടങ്ങുന്നിന്ന് 
വിധിയുടെ ക്രൂരതക്കൊടുവിൽ .....